Г.Тэмүүлэн: Хуулийн хулгай хийж гишүүдийн гараар могой бариулж байна

УИХ-ын гишүүн Г.Тэмүүлэнгээс төсвийн тодотгол хийх асуудлаар тодрууллаа. Тэрбээр, “Эдийн засгийн хувьд 80, 90 хувь уул уурхайн салбараас хамааралтай учир нүүрсний экспорт унасантай холбоотойгоор эдийн засгийн нөхцөл амаргүй байгааг хүн бүр мэдэрч байна. Нүүрсний экспорт 40 хувь хүрч буурсан байхад нөгөө талд бүтээн байгуулалтыг дагаж импорт нэмэгдэж улмаар валютын ханш өсч байна. Эргээд энэ нь ард түмэнд ачаа болж байгаа бодит үнэнтэй нүүр тулж, төсвийн тодотгол хийх шаардлагатай байна. Эрэмбэлж хасах боломжтой зүйлээ хасаад явъя, тансаг зардлуудаа бууруулъя. Төсөв баталж байх үеийнхтэй харьцуулахад тэс өөр нөхцөл байдал үүсчихээд байна” гэв.