Ж.Баярмаа: Иргэдээ баяжуулдаггүй юмаа гэхэд татвараас нь хөнгөл

ХХОАТ-ын 10%-ийг 1% болгох хуулийн төслийн асуудлаар УИХ-ын гишүүн Ж.Баярмаа, О.Амгаланбаатар, Г.Очирбат, Б.Пунсалмаа нар мэдээлэл хийлээ. Иргэн Р.Шинэгэрэлийн санаачилсан ХХОАТ-ыг нэг хувь болгох тухай өргөдөлд 100 мянган хүн цахимаар гарын үсэг зурсан байна. Тиймээс иргэдийн гаргасан саналыг хэрэгжүүлэхээр  хуулийн төслөө боловсруулан, Засгийн газрын тэргүүн Л.Оюун-Эрдэнэд хүргүүлсэн гэж өнөөдрийн мэдээллийн үеэр хэллээ. 

Энэ үеэр УИХ-ын гишүүн Ж.Баярмаа, Татварын дарамт маш их байгааг иргэд бүгд хэлдэг. Иргэдийн орлого амьдралд нь хүрэлцэхгүй байхад нэмж өндөр татвар авах ёсгүй.  Монгол Улс монголчуудаас, монгол хүнээс бүрдэнэ. Иргэдийн орлого бага ч гэсэн нэмэгдж байж бид улсын хөгжил яригдана.  Иргэдээ баяжуулдаггүй юмаа гэхэд татвараас нь хөнгөлөх ёстой гэсэн юм. 

ХХОАТ-ыг нэг хувь болгосноор иргэдийн гар дээр 2.4 их наяд төгрөг үлдэнэ. Ингэснээр иргэд энэ мөнгөө хадгаламждаа хийх, бизнес хийх гэх мэтээр зарцуулах боломж бүрдэнэ. ХХОАТ төлсөн  иргэн төрөөс эрүүл мэндийн үйлчилгээ авдаг байх нь зөв гэж хэллээ.