П.Наранбаяр: 16 хүртэлх насны хүүхдийг олон нийтийн сүлжээнд оролцох оролцоог зохицуулах хууль өргөн мэдүүлнэ

Боловсролын сайд П.Наранбаяр “16 хүртэлх насны хүүхдийг олон нийтийн сүлжээнд оролцох оролцоог зохицуулах анхдагч хуулийн төслийг өргөн мэдүүлэхээр ажиллаж байна. Тус хуулийн төслийн хүрээнд дөрвөн яамны бүрэлдэхүүнтэй ажлын хэсгийг байгуулж, үзэл баримтлалыг нь боловсруулж байна. Хуулийн төслийг өчигдөр хуралдсан Хүүхдийн төлөө Үндэсний зөвлөлийн шинэчилсэн бүрэлдэхүүнд танилцууллаа. Уг хуулийн төслийг удахгүй Засгийн газрын хуралдаанаар хэлэлцүүлнэ. Иргэд хуулийн төсөлд өөрсдийн саналыг хүргүүлж болно. Түүнчлэн УИХ-ын Д-Парламент цахим хуудсанд хуулийн төслийг байршуулна” гэлээ.