Т.Мөнхсайхан: Хүүхдийг эхийн хэвлийд байхаас нь анхаарах бодлого хэрэгжүүлнэ

Засгийн газрын хуралдаанаас гаргасан шийдвэрийг танилцууллаа. 

Энэ үеэр ЭМЯ-ны сайд Т.Мөнхсайхан "Хүүхдийн хамгааллын байгууллагын 100 жилийн ойн хүрээнд өчигдөр Хүүхдийн төлөөх үндэсний зөвлөл шинэчилсэн бүрэлдэхүүнээрээ анхныхаа хурлыг хийсэн. Засгийн газар, Эрүүл мэндийн салбарын баримталж байгаа нэг бодлого эрүүл ирээдүйг бий болгох. Үүний хүрээнд хүүхдийг эхийн хэвлийд байхаас нь анхаарах бодлого руу чиглэнэ. Мэргэжлийн хяналтын тогтолцоог өөрчлөх, сургууль цэцэрлэгийн эрт илрүүлэг, урьдчилсан үзлэгийн тогтолцоог бэхжүүлнэ. энэ хүрээнд одоо хийгдэж байгаа зургаан настны эрт илрүүлгийг орон нутагт эрчимжүүлэх. 4, 10, 12 дугаар ангид хийгдэх эрт илрүүлгийн тогтолцоог сайжруулна. ЕБС-ийн хүүхдүүд эрүүл төгсдөг, ямар нэгэн өвчин эмгэг байгаа тохиолдолд эрт илрүүлж оношилж эмчилнэ. Бидний санаачилж боловсруулсан сургуулийн орчны  эрүүл мэнд, аюулгүй байдлын тухай хуулийн үзэл баримтлалыг баталж, намрын чуулганаар өргөн барьж хэлэлцүүлнэ. Хүүхдүүдийг өвдсөнийх нь дараа биш эрт илрүүлж өвчлөлийг эмчлэх чухал. Хүүхдүүдэд үзүүлэх эмнэлгийн тусламж үйлчилгээг төвөг чирэгдэлгүй хүргэх. Амьдарч байгаа бүс нутгаасаа бүх төрлийн боломж үйлчилгээг авах боломжийг нэмэгдүүлэхэд анхаарна" гэв.