О.Алтангэрэл: Гэр бүлийн хуулийг өргөн барьж батлуулна

Засгийн газрын хуралдаанаас гаргасан шийдвэрийг танилцууллаа. Энэ үеэр ХЗДХЯ-ны сайд О.Алтангэрэл "Өнөөдрийн Засгийн газрын хуралдаан хүүхдийн асуудалд онцгойлон анхаарлаа. Гэр бүлийн хуулийг өргөн барьж батлуулах, хүүхэд хамгааллын чиглэлийн үйл ажиллагааг идэвхжүүлэх, хүүхэдтэй холбоотой хэрэг хянан шийдвэрлэх процессыг боловсронгуй болгож хүүхдийн эрхийг хамгаална. Энэ чиглэлд ХЗДХЯ-ны харьяа байгууллагууд, хууль сахиулах байгууллагууд онцгой анхаарч ажиллана. Энэхүү үйл ажиллагааг хэрэгжүүлэхэд шаардлагатай хууль, дүрэм журмыг судалгаа хийж, зохих арга хэмжээ авч ажиллахыг ХЗДХЯ-ны сайдад даалгасан. Мөн өнөөдрийн хуралдаанаар олон улсын болон дипломат төлөөллийн газруудын асуудлыг авч хэлэлцлээ. Монгол Улсын иргэн, манай улсад амьдарч байгаа гадаадын иргэнийг ялгаварлалгүйгээр эрүүгийн хуулийн нөхцөл журмын хамгаалагдах эрхтэй. Монгол Улсын нутаг дэвсгэрт үйл ажиллагаа явуулж байгаа олон улсын байгууллага, дипломат төлөөлөгчийн газрын харуул хамгаалалттай холбоотой асуудал онцгойлон анхаарч ажиллана. Монгол Улсын иргэд эрүүл аюулгүй орчинд хуулийн хамгаалалт дор өөрсдийн амь нас, эрүүл мэндээ хамгаалуулах эрхтэй холбоотой зохих арга хэмжээг авч ажиллахыг дааж авлаа" гэлээ.