​Ч.Лодойсамбуу: Сэтгүүлчид, контент бүтээгчид нэг пост бичээд л цагдаад дуудагддаг болсон

УИХ-ын чуулганы өнөөдрийн хуралдаанаар Хэвлэл мэдээллийн эрх чөлөөний тухай хуулийн шинэчилсэн найруулгын төслийг үзэл баримтлалын хүрээнд хэлэлцэх эсэх талаар санал хураалт явуулахад УИХ-ын гишүүдийн олонх нь дэмжлээ. Ингэснээр тус хуулийн төсөл болон хамт өргөн мэдүүлсэн хуулийн төслүүдийг анхны хэлэлцүүлэгт бэлтгүүлэхээр холбогдох байнгын хороонд шилжүүлэхээр болсон юм. Энэ талаар гишүүдийн байр суурийг сонсож байна. 

УИХ-ын гишүүн Ч.Лодойсамбуугаас энэ талаар тодруулахад, "Мэдээлэл нууц учраас олдохгүй байгаа, нууц учраас хэн нэгэн даргын гар дээрээс олддог. Хэн нэгэн даргын гар дээрээс олсон мэдээллийг дамжуулаад дамжуулсан этгээд шоронд ордог ийм байна. Хэвлэн нийтлэх, үгээ хэлэх эрх чөлөөг олон хуулиар хорьсноос үүдээд сэтгүүлчид, контент бүтээгчид нэг пост бичээд л цагдаад дуудагддаг болсон байна. Тиймээс хэвлэлийн эрх чөлөөний тухай хуулийг нэрнээс нь эхэлж өөрчилнө. Хэвлэн нийтлэх эрх чөлөөний тухай хуулийг сэтгүүлчдийг оролцуулсан өргөн хүрээнд хэлэлцэнэ" гэв.