"Эрчист Монгол" нэгдлийн Засаглал хариуцсан менежерээр Б.Энхболд томилогджээ

"Эрчист Монгол" ХХК-ийг байгуулж, эрчим хүчний төрийн өмчит компаниудыг нэгтгэхээр болсон. Тус компанийн Засаглал, Ил тод байдал хариуцсан менежерээр Сүхбаатар дүүргийн ИТХ-ын даргаар ажиллаж байсан Б.Энхболдыг томилжээ. Засаглал , ил тод байдлыг сайжруулах, нэгдлийн харьяаны компаниудын давхардсан чиг үүргийг бууруулах үүрэгтэйгээр түүнийг хамтарсан Засгийн газраас томилсон байна. 

Б.Энхболд нь Нийслэлийн ИТХ-ын нарийн бичгийн дарга, СБД-ийн ИТХ-ын даргаар ажиллаж байсан. Сингапурын Ли Куан Ю-гийн төрийн бодлогын магистрын зэрэг хамгаалж, Сингапурын төрийн өмчийн менежментийн талаар судалгаа хийж байжээ.