О.Цогтгэрэл: Төрийн өмчит компаниар бартер хийх төсөл ЗГ оруулж ирлээ

УИХ-ын чуулганы нэгдсэн хуралдаанаар Уул уурхайн бүтээгдэхүүний биржийн тухай хуульд нэмэлт өөрчлөлт оруулах тухай хуулийн төслийг хэлэлцэж байна. Энэ талаар Ардчилсан намын бүлгийн дарга, УИХ-ын гишүүн О.Цогтгэрэлийн байр суурийг тодрууллаа. Тэрбээр, " Биржийн тухай хуулийг хэлэлцэх үеэр том бартер хийнэ гээд ороод ирлээ. Бартер гэдэг чинь урагшлалт юмуу ухралт юмуу гэдэг нэгдүгээр асуудал. Хоёрдугаарт зарчмын асуудал яригдана. Үндсэндээ хуулиас гадуур, УИХ-аас гадуур ТӨХК-ийг бэхжүүлье гэдэг зүйл явж байна. Энэ зүгээр нэг бартерийн асуудал биш шүү. УИХ-ын хяналтаас гадуур ТӨХК-ийн бүтээн байгуулалт нэрээр нүүрс зарья, зам засья гэх хэмжээний асуудал болчихлоо. УИХ-ын хяналтаас гадуур ТӨХК-ийн засаглалтай больё, санхүү эдийн засгийн системээ нураая, УИХ-ын хяналтаас гадуур мөнгө авья л гэсэн үг. Уг нь бол компани ашигтай ажиллавал ногдол ашиг төсөвт мөнгө болж ороод, бүтээн байгуулалтын ажилдаа төсөвлөгдөөд явдаг асуудал. Энэ дэг жаягийг бүгдийг нь нураая гэдэг зүйл явж байна" гэв.