Ж.Энхбаяр: Ноолуураа боловсруулж утас болгоод гаргахад хоёр дахин өндөр ашиг хүртэх боломж бий

Нэг кг ноолуурын үнэ 80 мянган төгрөг болж буурсан. Энэ нь Монгол Улсын засгийн газраас 2025 оны хоёрдугаар сарын 1-нээс 100 хувь самнасан ноолуур экспортод гаргах шийдвэр гаргасантай холбоотой гэж малчид хэлж байна. Энэ талаар салбарын сайдаас тодрууллаа. Тэрбээр " Мал аж ахуйн гаралтай түүхий эд бүтээгдэхүүнээ бүрэн боловсруулья, экспортод гаргах чиг баримжаатай үйлдвэрээ хөгжүүлье гэдэг бодлого бүхий Цагаан алт хөтөлбөр хэрэгжих гэж байна. Өнөөдөр манай экспортын гол бүтээгдэхүүн нүүр тонн тутамдаа 230 ам.доллараас 80 ам.доллар болж буураад байна. Энэ хямралаас үйлдвэрлэгч орнууд хожиж гарч байна. Бидний тухайд Монгол улс ноолуураа дотооддоо 100 хувь угааж байна, дараагийн шатанд ноолуураа самнах ёстой. Энэ бодлого 3 жилийн өмнө гарч өнөөдөр бид ноолуураа 100 хувь угааж, самнах боломж бүрдсэн байна. Угаах, самнах хооронд Монгол улсад 500-700 тэрбум төгрөгийн нэмүү өртөг үлдэнэ. Дэлхий нийтийн тарифын зөрчил үүссэн энэ үед бид чадавхиа нэмэгдүүлсэн тулдаа ноолуурын үнэ харьцангүй бага доголдож байна. Зүүн гурван аймгийн ноолуур 150-160 мянган төгрөгөөр 90 хувийн  худалдан авалт хийгдээд дуусч байна. Одоо төвийн бүсийн худалдан авалт эхэлж байна. Ноолуур чанараасаа хамаарч үнэ нь тогтдог бөгөөд 20000-40000 мянган төгрөгийн хэлбэлзэлтэй байдаг. Монгол улс дангаараа дэлхийн ноолуурын 50 хувийг гаргаж байна. Дэлхий дээр 2.7 тэрбум ам.долларын ноолуурын бизнес явж байна. Бид 404 сая ам.долларын экспорт хийж байна. 50 хувийг нийлүүлж байж маш бага ашиг хүртэж байгаа нь боловсруулах үйлдвэрлэх чадвар дутмаг байгаатай шууд холбоотой. Тиймээс угаасан ноолуураа, самная, утас болгоё гээд явж байна" гэлээ.