Ж.Чинбүрэн: Налайхын зам дээр мөргүүлсэн 12 настай хүүхэд ГССҮТ-д хүнд гэмтэлтэй эмчлүүлж байна

УИХ-ын гишүүн Ж.Чинбүрэн "Хоёр хоногийн өмнө Баянзүрхийн товчоо орчим Налайхын зам дээр 12 настай хүүхдийг мөргөсөн, одоо ГССҮТ-д хүнд гэмтэлтэй эмчлүүлж байна. Ойрхон жишээ дурдхад Налайхын замд Хонхорт 12 настай хүүхэд машинд мөргүүлэв. Тэр том даацын зам байсан. Гэхдээ одоо болтол улсын комисс хүлээж аваагүй. Би Баянзүрх дүүргээс сонгогдсон гишүүн. Хонхор орчим манай дүүрэгт хамаарна. Тэнд зам гарах гүүр хийе гэж олон удаа Нийслэлд хүсэлт тавьсан. Тэд улсын комисс хүлээж аваагүй учраас ажил хийж болохгүй байна гэж хариулдаг. Ажил хийх хүсэлгүй байгаа. Хийхгүй байсны төлөө хариуцлага тооцох тогтолцоо дутаад байна. Хийвэл бурууддаг гэж айгаад ажил хийхгүй байгаа юм. Тэнд машинууд их хурдтай явж байна. Яагаад хурд сааруулагч тавьж болохгүй гэж. Хурд сааруулагч тавьсан бол ийм асуудал гарахгүй.  Нийслэлийн удирдлагууд ,  хөдөлгөөн зохицуулалтын газар,  онцгойлон анхаараасай. Үүнээс жишээ аваад маргааш гэхэд энэ ажлыг хийх хэрэгтэй. Нэг тохиолдож байна, дараа нь хэдэн тохиолдол гарах юм. Үүн дээр шуурхай ажиллах чухал" гэлээ.