Н.Номтойбаяр: Надад хуулийнханд бөлдөгдүүлсэн зүйл огт байхгүй

УИХ-ын чуулганы өнөөдрийн хуралдаанаар Б.Жаргалсайханыг Улсын ерөнхий прокуророор улираан томилохоор шийдвэрлэлээ. Ерөнхийлөгчийн саналыг хуралдаанд оролцсон 97 гишүүний 83.5 хувь нь дэмжсэн юм. Энэ талаар УИХ-ын гишүүн Н.Номтойбаяраас тодрууллаа. Тэрбээр, "Надад хуулийнханд бөлдөгдүүлсэн зүйл огт байхгүй, айгаад байх огтхон ч байхгүй. 2019-2020 онд өөрөө хонгилдуулж байсан хүний хувьд  үнэхээр гомдолтой ханддаг. Адаглаад надаас гэрчийн мэдүүлэг ч аваагүй, нотлох баримтаа шалгуулах боломжийг олгоогүй. 24 цагийн дотор яллах дүгнэлт үйлдээд өмгөөлөгчгүйгээр шүүгээд таслаад явсан. Эцсийн дүндээ дээд шүүх дээр хэрэгсэхгүй болоод бүтэн нэг жил би хилс хэргээр шоронд суусан хүн шүү дээ би. Би гомддог ч гэсэн энэ асуудалд хувь талаасаа хандаж болохгүй. Тэр үүднээс би ерөнхий прокурорыг дэмжиж кноп дарсан. Яагаад гэхээр гишүүд хувийн сэдлээр хандаж болохгүй гэдгийг илэрхийлэх гэж дарсан. Хуулийн өмнө ноён нуруутай байх шаардлага үүсчихээд байна. Улс төрд нөлөө бүхий этгээдүүдтэй холбоотой маш олон хэрэг байна. Тухайлбал, Х.Баттулгатай холбоотой ноцтой асуудлууд гарч байна, өөр олон гишүүдэд шууд болон шууд бусаар хэрэг үүсчихсэн явж байна. Дургүй хүрээд байсан юм нь юу гэхээр миний өмнө үг хэлсэн 30 гаруй гишүүд, тэдний зарим нь  "Ахаа намайг бодоорой" гэдэг шиг долоох үг хэлж байгаад дургүй хүрлээ" гэв.