Х.Баттулга та хэлсэн үгэндээ эзэн байгаарай, би баримтаар нотолж байна

ЗГХЭГ-ын дарга Н.Учрал "Төгрөг нууртай холбоотой асуудлыг УИХ-ын гишүүн Х.Баттулгад зохицуулахыг долоо хоногийн хугацаа өгсөн. Одоогийн байдлаар ямар нэгэн албан ёсны бичиг, үйлдэл хийгээгүй, мэдээлэл ирээгүй байна.  Х.Баттулга хэвлэл мэдээллийн хэрэгслээр ярилцлага өгсөн байна. Гэхдээ Төгрөг нууртай холбоотой ямар нэгэн зүйл хэлээгүй гэж ойлгосон. Тэрээр намайг төгрөг нууртай хамаатай гэдгийг нотолж чадах юм бол 100 хувь аваарай гэсэн байна. Тиймээс  Х.Баттулга та хэлсэн үгэндээ эзэн байгаарай. Баримт өөрөө ярьдаг гэдэг шүү. Намайг нотол гэсэн учир би нотолж байна. 

2006 онд Төгрөг нуурын орд газрыг УИХ-ын Х.Баттулга 90 хувийг, Я.Батсүх 10 хувийг нь эзэмшдэг компани болохыг нотолсон баримт энэ байна. Мөн төрсөн охин Х.Намууны компанид хувьцаагаа дамжуулан мөн үндэстэй компаниар дамжуулан 250 сая ам.доллароор зарсан болохыг нотолж байна. Хонконгийн бирж дээр байгаа 507 нүүр баримтад бүх мэдээлэл нарийвчлан агуулсан нотлох баримт гэж хэлж болно.

2007 онд Стратегийн ордыг төр авах шийдвэр гарснаас хойш 18 жил өнгөрсөн байна.