1072 хувьцааны ногдол ашгаа ямар хэлбэрээр авах саналаа өгөөгүй бол дансанд нь шууд шилжинэ

  "Эрдэнэс Тавантолгой" ХК-ийн хувьцааны ногдол ашгийн үлдэгдлийг энэ сард иргэдэд олгохоор болсон. 1072 хувьцаатай бол татварын дараах дүнгээр 93 мянга 500 төгрөг авна.  Ногдол ашгий үлдэгдлийг ямар хэлбэрээр хүлээн авах тухай санал асуулгыг И-Монголиа платформ дээр авч байгаа юм. 

Санал өгөөгүй тохиолдолд ногдол ашиг шууд таны данс руу шилжинэ

Иргэн та энэ сарын 4-9-ний өдрүүдэд ногдол ашгаа 

• Бэлнээр /ногдол ашгийн үлдэгдэл таны хувьцааны дансанд орно/
• Хөгжлийн санд хуримтлуулах /Нийслэлийн дэд бүтцийн санхүүжилтийн эх үүсвэр болно. Үр дүнг иргэн танд ил тод тайлагнана/
• Хуримтлалын дансанд хадгалах /цаашид орон сууц худалдан авах, эрүүл мэнд, боловсролын чиглэлээр үйлчилгээг авах боломж бүрдэнэ/ зэрэг сонголтоос сонгож саналаа өгөх боломжтой юм.