Ч.Лодойсамбуу: Нэмэлт урамшуулал, хоол унааны мөнгөнөөс НДШ тооцож авдгийг болиулах хуулийн төсөл санаачилсан

УИХ-ын гишүүн Ч.Лодойсамбуу УИХ-ын гишүүн Б.Түвшинтэй хамтран Нийгмийн даатгалын ерөнхий хуульд өөрчлөлт оруулахаар ажиллаж байгаа талаараа мэдээлэл хийлээ. 

• Байгууллагатай хийсэн хөдөлмөрийн гэрээнээс тусдаа ажил гүйцэтгэх гэрээгээр хийсэн нэг удаагийн ажлын хөлснөөс НДШ авдагийг болиулах,
• Ажил олгогчийг ажилтны өмнөөс төлдөг НДШ-ээс чөлөөлөх. Ажилтны нэрээр ажил олгогчоос шимтгэл авдаг ч тэтгэвэрт нөлөөлдөггүй,
• Ажил олгогчоос ажилтандаа цалингаас гадуур олгосон мөнгөн хэлбэрээр олгосон хөнгөлөлт, урамшууллаас НДШ төлүүлдгийг болиулахаар ажиллаж байгаа аж.

Ингэснээр 

• Хүн, хуулийн этгээдийн бизнес эрхлэхэд учирдаг дарамт багасч үйл ажиллагааны төрөл нэмэгдэнэ.  
• Ажил олгогчийн НДШ төлөх дарамт буурсанаар ажилтныхаа цалинг бодитоор нэмэх, ажлын байраа нэмэгдүүлэх боломж бүрдэнэ. 
• Бараа, ажил, үйлчилгээний НДШ-ийн зардал буурсанаар эцсийн хэрэглэгч дээр ирэх үнийн нэмэгдэл буурна гэж тооцжээ.