Б.Энхбаяр: Ял шийтгэл авсан хүнийг амралтанд амрааж байгаа хүн нь сангийн сайд Б.Жавхлан

УИХ-ын Хууль зүйн байнгын хорооны хуралдааны үеэр УИХ-ын гишүүн Б.Энхбаяр "Сейфнээс нь 7.5 тэрбум төгрөг гарсан С.Батдөл гэж нөхөр ШШГЕГ-ын харьяа Богд уулан дахь амралтын газар ялаа эдэлж байгаа юм билээ. Түүнийг амралтын газар амрааж байгаа сайд байна гэсэн үг. Өөрийг нь илчлээгүйн төлөө Богд ууланд тэр хүнийг амрааж байна. Цаашдаа эзнийг нь олж шийтгэж байгаарай" гэх ноцтой мэдээлэл хийсэн. Тэгвэл өнөөдөр тэрбээр, энэ бүхний ард мөнгө барьдаг ганцхан сайд Б.Жавхлан бий гэж тодорхой хэллээ.

“С.Батдөл нь төр хурахын амралтанд амарч байгаа бөгөөд тухайн амралтын газар нь энгийн л нэг амралт. Тухайн амралтанд амарч байгаа иргэд зурагтаар “сейфтэй мөнгөтэй” гэж гараад байсан залуу байна гээд ярьж байна шүү дээ. Даварчихсан байгаа биз дээ. ШШГЕГ тэр хүнийг амралтанд байлгасан байна. ШШГЕГ-ын төсвийг 2025 онд хэн нэмчихэв. Яагаад гэнэт энэ байгууллагын төсөв нэмэгдээд, яагаад сангийн сайд маань энэ байгууллагад гэнэт хайртай болчихвоо. Ойлгомжтой байгаа биз дээ” гэх байр суурийг хэвлэлд илэрхийллээ.