П.Наранбаяр: 2030 он гэхэд улс орон даяар нэмэгдэх 88 мянган хүүхдэд сургууль цэцэрлэг хэрэгтэй

Засгийн газрын хуралдааны шийдвэрийг танилцууллаа. Энэ үеэр Боловсролын сайд П.Наранбаяр мэдээлэл өглөө. Тэрбээр, "Боловсролд хөрөнгө оруулбал манай эдийн засаг хөгжихөд ойр байна. Боловсролын багц хуулийн төслийг олон удаа хэлэлцүүлсний эцэст баталсан. Одоо энэ хуулийг хэрэгжүүлж  амилуулна. Боловсролын тэгш хүртээмж чухал асуудал. Өнөөдөр Засгийн газраас их чухал шийдвэр гаргалаа. 2025 оныг Засгийн газраас боловсролыг дэмжих жил болгосноор хөтөлбөрийн шинэчлэл хийнэ. Хөрөнгө оруулалтаа нэмэгдүүлнэ. 2030 он гэхэд 88 мянган хүүхэд улс даяар нэмэгдэнэ. Тэдэнд шинэ сургууль цэцэрлэг хэрэгтэй.

Хүн амын нягтаршлыг тооцоолон хаана, хэдэн сургууль, цэцэрлэг хэрэгтэйг бид хиймэл оюун ашиглан тооцоолсон. Энэ дээр үндэслэсэн төсвүүд гарна. Боловсролыг дэмжих жил болгон зарласнаар хүний нөөцийн бодлогтой шууд уялдана. Засгийн газрын 14 мега төслийг хэрэгжүүлэхэд хүний нөөцийн асуудал үүсч байгаа. Хүний нөөцийг нэмэгдүүлэх чиглэлд боловсролын бодлого чиглэнэ” гэв.