Н.Учрал: Х.Баттулга танд өөрийн хутгасан асуудлаа өөрөө шийдэх 7 хоногийн хугацаа өгч байна

Засгийн газрын хуралдаанаас гарсан шийдвэрийг ЗГХЭГ-ын дарга Н.Учрал танилцууллаа. 

ЗГХЭГ-ын дарга Н.Учрал, Стратегийн 16 орд дээр хувийн хэвшлүүд хэлэлцээр хийе гэсэн саналуудаа илгээсээр байгаа. Стратегийн 39 ордын асуудлыг Засгийн газраас УИХ-д оруулж ирж ир гэж УИХ-аар шийдээд байхад үүнийг 18 жилийн хугацаанд мартагнуулсан. Тэгэхээр алийг нь УИХ-д оруулж ирээгүй. Улсын төсвөөр ДНБ-ий 5 хувиас дээш нөөц тогтоогдсон ордууд энэ жагсаалтад бий. 18 жилийн хугацаанд гадаад, дотоодын олон компани санхүүгийн схем үүсгэж арилжаалсан, баялгийг эздээс нь асуухгүйгээр үрэн таран хийсэн үйлдлүүд тогтоогдож байгаа тул Засгийн газар даруй УИХ-ын тогтоолыг өргөн мэдүүлнэ.  39 ордыг стратегийн ордод тооцож авах нь эхний алхам гэж үзэж байна. 

-Ямар шалгуураар стратегийн ордод тооцдог вэ?-ДНБ-ий 5 хувиас дээш дүнтэй бүтээгдэхүүн үйлдвэрлэх, нийгэм эдийн засаг томоохон нөлөөтэй ордуудын төрийн эзэмшлийн хувь хэмжээг тогтоосноор Баялгийн сангийн тухай хуульд зааснаар иргэдийн хадгаламж өснө.

-Та УИХ-ын чуулганы хуралдааны үеэр Төгрөг нуурын орд тав дахь ерөнхийлөгч Х.Баттулгатай холбоотой талаар мэдэгдсэн. Энэ орд стратегийн ордын жагсаалтад орсон уу?-39 ордын жагсаалтад Төгрөг нуурын орд багтдаг. Төгрөг нуурын ордын хайгуулыг 1983 оноос хойш хийж, нөөцийг тогтоосон. 3.1 тэрбум тоннын хүрэн нүүрсний нөөцтэй гэсэн судалгаа гарсан.