М.Нарантуяа: Цалинтай ээжийн мөнгийг таван жилийн дараа 500 мянга болгох боломж харагдаж байна

Цалинтай ээжийн мөнгийг 500 мянга болгох асуудлаар УИХ-ын гишүүн М.Нарантуяагаас тодрууллаа.

УИХ-ын гишүүн М.Нарантуяа: 

Гурван жилийн турш 0-3 насны хүүхдээ асарч байгаа ээжүүдэд сарын 50 мянган төгрөг өгөхөд нийт 1 сай 800 мянган төгрөг болж байгаа. Хэрэв тухайн ээж хүүхдээ 2 нас хүргээд ажилд ороод НДШ төлөөд эхлэх юм бол энэ мөнгө зогсдог. Миний бодлоор бол хүүхдээ тухайн ээжүүдэд хүүхдээ хоёр нас хүртэл нь сарын 100 мянган төгрөг өгч байх нь зөв санал санаачилга гаргаж байсан. Ер нь одоо нэг юмыг ойлгомоор байна. Төрийн мөнгө гэж ердөөсөө байхгүй. Монгол ээжүүд хэзээ төр засаг нь мөнгө өгөхгүй бол амьдарч чадахгүй гэх хэмжээний сулд дорой байсан юм. 2012 оноос хойш эрх баригч хоёр нам сонгуулийн санал авахын тулд ард иргэдээ халамжилсны хар гайгаар өнөөдөр хүний өмнөөс амьдарч байгаа мэт хүмүүс бий болсон. Надаас ёс зүй нэхээд байгаа тэр хүмүүс ёс зүйтэй хариулт авах үйлдэл гаргах хэрэгтэй. 

170 мянган ээжид сар бүр 500 мянга олгоно гэвэл сард 85 тэрбум төгрөг шаардлагатай

Хүний эрхийн асуудал Монголд хамгийн хүнд байна. Хүний эрх гэхээр зөвхөн өөрийнхөө эрхийг боддог. Хүүхдийн эрхийн асуудал байна. Хүүхэд төрүүлчхээд асрамжийн газарт хаяад явдаг. Хүүхдийнхээ мөнгийг аваад яваад байгаа ээж аавууд байна. Энэ өнөөдөр Монголын эмгэнэл болсон. Цалинтай ээжийн мөнгө авдаг 170 мянган ээжид сар бүр 500 мянга олгоно гэвэл сард 85 тэрбум төгрөг шаардлагатай. Энэ оны төсөв нэгэнт батлагдсан. Магадгүй ирэх онд 100 мянга болгох, таван жилийн дараа 500 мянга болгох боломж харагдаж байна.