Б.Батцэцэг: Тусгай үүргийн элчин сайдууд төсвөөс нэг ч төгрөгийн цалин авахгүй

 Тусгай үүрэг гүйцэтгэгч элчин сайдуудын асуудлаар Гадаад харилцааны сайд Б.Батцэцэг тайлбарлав.

Тусгай үүрэг гүйцэтгэгч элчин сайд гэдэг нь гадаад улсад томилогддог элчин сайд биш. Тодорхой нэг асуудлыг хариуцаад Монгол Улсын засгийн газар болон Гадаад харилцааны яамыг төлөөлөн гаднын улс оронтой гэрээ хэлэлцээр хийх үүрэгтэй гэж олгож болно.

Төрийн гурван өндөрлөгт ажиллаж байсан хүмүүсийг тусгай үүрэг гүйцэтгэгч элчин сайдаар томилсон. Эдгээр хүмүүсийн туршлага өндөр байдаг тул эдгээр хүмүүсийг томоохон төслүүдийг хариуцаад явахад туршлага, ажлын арга барил хэрэгтэй. Энэ ажлыг хөөцөлдөхөд төрөөс ямар ч мөнгө төгрөг нэхээгүй. Гадаад улс оронд очиж амьдрахгүй. Улсын хөгжлийн төлөө гар биеэ зориулъя гэсэн сэтгэлээр хамтран ажиллаж байгаа.