Х.Ганхуяг: Сүүлийн 12 машинаа хүлээлгэн өглөө

УИХ-ын гишүүн Х.Ганхуяг БГД-ийн 34 хорооны өрхийн эрүүл мэндийн төвд автомашин гардуулж өглөө. Тэрээр иргэдэд эрүүл мэндийн тусламж үйлчилгээг ойртуулах зорилгоор улсын төсвийн хөрөнгө оруулалтаар автомашинтай болгосон байна. 

Энэ үеэр Х.Ганхуяг "Гэрт ойр байрлалтай өрхийн эмнэлгийг чадваржуулах шаардлагатай. Өрхийн эмнэлэгт шаардлагатай тоног төхөөрөмж байхгүй бол иргэд нэгдсэн эмнэлгийг зорьдог. Үүнээс шалтгаалж оочир үүсэж, зардал гарна. Тиймээс эмнэлгүүдэд тоног төхөөрөмж чухал. Мөн эмч нар иргэдийн гэрт нь очиж үйлчилгээ үзүүлэх зэргийг тооцож үзээд автомашин хэрэгтэй болохыг олж харсан. Ингээд өнөөдөр сүүлийн 12 машинаа хүлээлгэн өглөө. Үүнээс гадна 2023 оноос хойш сугалааны цэцэрлэг байхгүй болсон. Амьдралын чанараа жижиг зүйлээс эхлүүлэх хэрэгтэй" гэв.