Хөвсгөлд мөс цөмөрч хоёр иргэн амь насаа алджээ

УОК-ын Нарийн бичгийн дарга Т.Баярхүү: Цаг агаарын нөхцөл байдалтай холбогдуулан мэдээлэл өглөө.  Мөсний зузаан өмнөх жилүүдээс 5-10 см нимгэн байгаа. Өөрөөр хэлбэл, дээгүүр нь хүн мал амьтан явах, тээвэрлэхэд эрсдэх эрсдэл өндөр байгаа. Хамгийн сүүлд, уржигдар Хөвсгөл аймагт хоёр иргэн нуурын мөсөнд цөмөрч харамсалтайгаар амь эрсэдсэн тохиолдол гарсан. Иймд нуурын мөсөн дээгүүр тээвэрлэлт хийхгүй байх, цаг хэмнэх, зам товчлохоор мөсөн дээгүүр зорчихгүй байхыг анхааруулж байна. Гуравдугаар сарын 15-ныг дуустал нийт нутгаар нойтон цас орж, цасаар шуурна. Хаврын мал төллөх үе тул малчид бэлтгэлтэй байх шаардлагатай. Мөн дулаарч байгаатай холбоотойгоор шар усны үер буух эрсдэлтэй байна гэлээ.