Ч.Өнөрбаяр: Эрчим хүчний үнэ нэмэгдсэнтэй холбоотой асуудлаар шалгалт хийсэн

Засгийн газрын Хяналт хэрэгжүүлэх газрын дарга Ч.Өнөрбаяр, Хяналт үнэлгээний Үндэсний хорооны Нарийн бичгийн дарга бөгөөд Ажлын албаны дарга Н.Лхагвадорж нар цаг үеийн асуудлаар сэтгүүлчдэд мэдээлэл хийлээ. 

Ч.Өнөрбаяр: Эрчим хүчний үнэ нэмэгдсэнтэй холбоотой асуудлаар шалгалт хийсэн. Эрчим хүчний үнэ тарифыг дөрвөн янзаар тооцдог байсныг 18 төрөл болгож тооцох аргачлал өөрчлөгдсөн. Энэ талаараа олон нийтэд хангалттай мэдээлэл өгөөгүй. Захиргааны хуулиар бол нийтэд хандсан шийдвэр гаргаж байгаа бол заавал олон нийтээр хэлэлцүүлэх ёстой байдаг. Эрх ашиг нь хөндөгдөж байгаа хүмүүсийг оролцуулах ёстой байсан. Харамсалтай нь энэ ажил хийгдээгүй. Зөвхөн вэб сайт дээрээ эрчим хүчний үнэ нэмэгдэж байгаа тухай мэдээ тавиад түүнд нь нэг ч хүн хандаагүй байх жишээтэй. Энэ бол тухайн асуудлыг олон нийтэд хүргэж байгаа хэлбэр биш юм. Энэ мэт хэд хэдэн зөрчил байсан.