Н.Учрал: 1XBET-тэй холбоотой болон бусад 6000 гаруй домайныг хаалаа

ЗГХЭГ-ын дарга Н.Учрал  “зөвшөөрөлгүй” цахим мөрийтэй тоглоомыг шалгах ажлын хэсэг байгуулсан тухайгаа мэдэгдсэн. Тэгвэл уг ажлын хэсгээс явуулж буй ажлын хүрээнд цахим мөрийтэй тоглоомын хяналтыг чангатгаж 1XBET-тэй холбоотой болон бусад 6000 гаруй домайныг хаасан тухайгаа ЗГХЭГ-ын дарга Н.Учрал өөрийн цахим хуудастаа бичжээ.Мөн тэрбээр,  "Гэвч хууль бус үйл ажиллагаа шинэ домайнаар үргэлжилсээр байна. Тиймээс асуудлыг бүрэн шийдэх хууль эрхзүйн зохицуулалтыг боловсруулж дууслаа. УИХ-д нэн яаралтай горимоор өргөн мэдүүлэхээр Засгийн газрын хуралдаанд танилцуулна. Хуультай холбоотой асуудлаар дэлгэрэнгүй мэдээллийг удахгүй хүргэнэ" гэлээ. 

1XBET-ээр дамжин 1 их наяд орчим төгрөг ямар нэгэн татвар, шалтгалтгүй гадагшаа урсаж, олон айлын амьдралыг үрэн таран хийсэн гэх мэдээллийг холбогдох албаныхан өгч байсан юм.