П.Наранбаяр: Сар шинийн амралтын гурав хоногийн хичээлийг цахимаар орно

Боловсролын яамнаас 2025-2026 оны хичээлийн бүтцийн өөрчлөлтийн талаар танилцууллаа. 2025-2026 оны хичээлийн жил гурван улирлын бүтэцтэй байна. Бага сургуулиудын хувьд арванхоёрдугаар сарын 15-наас эхлэн нэгдүгээр сарын 26 хүртэл амрах хуваарь гарсан. 

Боловсролын сайд П.Наранбаяр "Нийслэл болон орон нутгийн хувьд амралтын хуваарь ялгаатай байх юм. Ирэх хичээлийн жилд буюу 2025-2026 онд бага сургууль арванхоёрдугаар сарын 15-наас амарч, нэгдүгээр сарын 26-ны Даваа гаригт хичээл эхлэх төлөвлөлтийг хийсэн. Ингэснээр түгжрэл буурч, ханиад томууны дэгдэлт багасах юм. Харин зуны амралт долоо хоногоор сунаж байна. Сар шинийн амралтын хувьд гурав хоногийн хичээлийг цахимаар хичээллэх, даалгавар өгөх чиглэл өгсөн. Амралтын өдөр нөхөж хичээллэхгүй" гэлээ.