Монголд жилд ойролцоогоор 100-120 хүүхэд хорт хавдраар өвдөж байна

Хүүхдийн хорт хавдартай тэмцэх олон улсын өдөр буюу өнөөдрийг дэлхий нийт  2002 оноос эхлэн  хүүхдийн хавдрын талаарх олон нийтийн ойлголтыг сайжруулах зорилгоор тэмдэглэж ирсэн.  Эрүүл мэндийн яам, Дэлхийн эрүүл мэндийн байгууллага НҮБ-ын Хүүхдийн сан, Сэйнт Жуд Хүүхдийн хавдрын эмнэлэгтэй хамтран хэрэгжүүлж буй “Хүүхдийн хорт хавдрын эмийн хүртээмжийг сайжруулах Дэлхийн Платформ”-р дамжуулан хүүхдийн хорт хавдрын нэн шаардлагатай 35 нэрийн эм хүлээн авахаас эхний ээлжийн гурван нэрийн эмийг хүлээн авчээ. Энэхүү хамтын санаачилгын дэмжлэгээр чанарын баталгаатай хүүхдийн хорт хавдрын эм таван жилийн хугацаанд тасралтгүй нийлүүлэх аж. 

Манай улсад жилд ойролцоогоор 0-19 насны 100-120 орчим хүүхдийн хорт хавдрын тохиолдол бүртгэгдэж байна.