Ц.Мөнхбат: МАН ирцээ бүрдүүлж чадахгүй байж буруугаа манай намаас хайгаад байна

Монгол Улсын улс төрийн нөхцөл байдалтай холбоотойгоор эрх баригч Монгол Ардын Нам (МАН) хамтарсан засгийн хүрээнд гурван намын оролцоотой ажиллаж байгаа ч ирц бүрдүүлэх асуудал үүсээд байна. Үүнтэй холбоотойгоор зарим шийдвэрүүд удааширч, үйл ажиллагаа тодорхой хэмжээнд гацаанд орсон гэх шүүмжлэл дагуулж байгаа юм.

Харин сөрөг хүчин болох Ардчилсан Нам (АН)-ын зүгээс энэхүү нөхцөл байдлыг өөрсдөд нь тохож буйд санал нийлэхгүй байгаагаа илэрхийлж, эрх баригч нам дотооддоо улс төрийн шийдлээ гаргах ёстой гэсэн байр суурийг баримталж байна. Тэдний үзэж буйгаар Засгийн газрын бүтэц, удирдлагын асуудлыг МАН өөрсдөө шуурхай хэлэлцэж, тодорхой шийдвэрт хүрэх шаардлагатай гэжээ.

Мөн АН-ын төлөөлөл “бид сөрөг хүчний үүргээ хэрэгжүүлж байна” хэмээн онцолж, өнөөгийн үүсээд буй гадаад, дотоод нөхцөл байдлыг эрх баригчид анхааралдаа авах ёстойг сануулсан байна. Тухайлбал, дэлхийн улс орнуудын хоорондын зөрчил, мөргөлдөөнөөс үүдэлтэйгээр нефть, шатахуун болон бусад чухал түүхий эдийн хомсдол үүсэх эрсдэл нэмэгдэж буй нь Монгол Улсын эдийн засагт шууд нөлөөлөхөөр байгаа юм.

Иймд дээрх нөхцөл байдлыг даван туулахын тулд Засгийн газрыг бүрдүүлсэн эрх баригч хүчин бодитой, шуурхай шийдвэр гаргаж, улс орны өмнө тулгамдаж буй асуудлуудыг шийдвэрлэх шаардлагатай гэж сөрөг хүчний зүгээс үзэж байна.