Т.Хасбаатар: АН-ын тамга МАН-ын дарга Л.Оюун-Эрдэнийн сэйфэнд хадгалаатай байгаа

Ардчилсан намын гишүүд, дэмжигчдийн холбооноос өнөөдөр мэдээлэл хийлээ.

Ардчилсан намын гишүүд дэмжигчдийн холбооны тэргүүн Т.Хасбаатар: "Монгол Улсын Үндсэн хууль, УИХ-ын тухай хууль, Сонгуулийн тухай хууль, Улс төрийн намын тухай хуулийн зарим зүйл заалтуудад үндэслэн Л.Гантөмөрийг Ардчилсан намын гишүүнээс хөөсүгэй. Цаашид энэхүү шийдвэрийг хэрэгжүүлж ажиллахыг АН-ын шат шатны байгууллага, гишүүдэд даалгасугай гэсэн шийдвэрийг хүргүүлж байна.

2016 оноос Монгол Улсад нэг нам засаглаж, асар олон нийгэм эдийн засгийн хохирлыг ард түмэнд учруулсан. 10 гаруй жил сөрөг хүчингүй явж ирлээ. Ардчилсан намыг сөрөг хүчин байж, иргэдийн төлөө ажиллаасай гэж хүссэн. Гэтэл өнөөдөр Л.Гантөмөр Шадар сайд гэх том албан тушаалд томилогдоод, Ардчилсан намыг МАН-ын халаасны нам болгочихсон. 

АН-ын тамга МАН-ын дарга Л.Оюун-Эрдэнийн сэйфэнд хадгалаатай байгаа. Л.Гантөмөр Ардчилсан намын үзэл санаа, үнэт зүйлийг гээчихсэн. Тийм учраас Л.Гантөмрийг МАН-д элсүүлж авахыг тус намын даргад хэлнэ" гэжээ.