Ц.Мөнхтуяа болон М.Нарантуяа-Нара нарт ёс зүйн хариуцлага тооцох уу?

УИХ-ын сонгуулийн холимог тогтолцооны үр дүнд анх удаа 126 гишүүнтэй парламент бүрдсэн. УИХ-ын гишүүдийн 78 нь тойргоос өрсөлдөж сонгогдсон бол 48 нь жагсаалтаар парламентын гишүүн болсон. Сүүлийн үед намын жагсаалтаар гишүүн болсон нэр бүхий эмэгтэй гишүүд олон нийтийн сүлжээнд ёс зүйгүй үг хэллэг ашиглан бусдыг доромжлох, айлган сүрдүүлэх өнгө аястай зүйл бичиж байгаа нь олон нийтийн шүүмжлэлийг дагуулаад байна. Тодруулбал, М.Нарантуяа-Нара болон Ц.Мөнхтуяа гишүүний ёс зүйн асуудал хөндөгдөж эхэллээ. 

УИХ-ЫН ГИШҮҮНИЙ ЁС ЗҮЙН ДҮРЭМД 

- Нийт иргэн, улсын ашиг сонирхлыг эрхэмлэх; 

- Биеэ авч явах, шударга байдлаараа үлгэр дуурайл үзүүлэх 

- Бусдын нэр төр, алдар хүнд, эрх, хууль ёсны ашиг сонирхлыг эрхэмлэн, хүндэтгэлтэй хандах, бусдыг гэмт хэрэгт холбогдуулан гүтгэх, доромжлохыг цээрлэнэ гэж заасан байдаг байна.

УИХ-ын гишүүн ёс зүйн зөрчлийг хянах, хариуцлага тооцох эрх бүхий байгууллага нь УИХ-ын Ёс зүй, дэгийн байнгын хороо юм. Тус хороог УИХ-ын гишүүн Б.Баярбаатар ахалдаг бөгөөд түүнээс энэ асуудлаар тодруулахад энэ асуудлаар хурлын тов гараагүй байна гэлээ.

ИЗНН-ын дарга УИХ-ын гишүүн Б.Батбаатар болон тус намын ЕНБД н.Мөнхжаргал нараас тухайн намын ёс зүйн дүрэмд юу гэж заасан байдаг талаар тодруулахад шууд хариулт хэлэх боломжгүй байна. Одоогоор М.Нарантуяа-Нара гишүүний ёс зүйн асуудлаар хэлэлцэж ярилцсан зүйл алга байна гэлээ.

Ц.Мөнхтуяа гишүүний ёс зүйн асуудлаар АН-ын ЕНБД Н.Ганибалаас тодруулах гэсэн болов ч мессеж руминг үйлчилгээг сонгосон байна.