Менингококкын эсрэг 2000 тун вакцин захиалаад байна

Менингококк халдварын ойрын хавьтлуудыг эхний ээлжийн 2000 тун вакцинд хамруулах юм. Эрүүл мэндийн яамнаас менингококк халдварын эсрэг вакцины захиалга хийж, 2000 тун вакцины худалдан авсан ирэх долоо хоногоос вакциныг хийнэ гэдгийг ХӨСҮТ-ийн захирал Э.Анхбаяр мэдээлж байсан. Эдгээр вакциныг эхний ээлжид халдварын тохиолдлуудын ойрын хавьтлуудад болон эрсдэлт бүлгийнхэнд хийхэд хангалттай гэж үзэж байгаа юм. Одоогоор ойрын 1700 гаруй хүнд эхний ээлжийн вакциныг хийхээр төлөвлөсөн байна.

Менингококк жил бүр тодорхой хэмжээнд бүртгэгддэг. Сүүлийн гурван жилийн тухайд 2022, 2023 онуудад хоёр, хоёр тохиолдол, 2024 онд дөрвөн тохиолдол бүртгэгдсэн. Нас баралт бүртгэгдээгүй байна. Харин 2025 он гарснаар нэг тохиолдол хүндэрч, эндсэн тохиолдол гарсан юм.