Би хотын утаанаас болж газ үнэртэж, утаат тамхи татдаг мэт уушгитай болж хохирсон

Утааны сонсголд оролцогч хохирогчдын төлөөллийн байр суурийг хүргэж байна.

Угаартаж нас барсан иргэдийн ар гэрийн зүгээс төрөөс нөхөн олговор олгох нь зүйтэй гэж үзэж байх шиг байна. Таны тухайд?

Би энэ удаагийн сонсголд хохирогч гэдгээрээ оролцож байна. Уушгиар өвдөөд эмнэлэгт хандсан. Эмч надаас маш сонин зүйл асуусан. Та утаат тамхи хэрэглэдэг үү? газ үнэртдэг үү? гэж. Би ямар ч тийм зүйл хэрэглэдэггүй. Гэтэл өнөөдөр тийн зүйл хэрэглэдэг мэт уушгитай болтлоо хохирсон байна.

Өнөөдөр 700 мянган иргэн утааны хохирогч болчхоод байхад тэдний ар гэрт нөхөн төлбөр болгож төслөөр хэдэн тэрбумаар нь мөнгө авч хэрэгжүүлээгүй зардлаа нөхөн төлөхийг шаардах гэж ирсэн.