Архидан согтуурч, хүүхдийн эрхэд халдсан 30-50 зөрчлийг шийдвэрлэжээ

Эцэг эх гэртээ согтуу орвол яах вэ? 

 Хүүхдийн дэргэд архидан согтуурсан, хүүхдийн бие махбодод халдсан, хүчирхийлэл үйлдсэн гэх зүйл заалтаар жилд 30-50 зөрчлийг шийдвэрлэж, шийтгэл оногдуулсан гэх тоо баримт байна. 

“Би согтууруулах ундаа хэрэглэсэн үедээ гэртээ орсон тохиолдолд хүүхэддээ болон эхнэртээ агсам согтуу тавьдаггүй, гар хүрдэггүй ээ”.  Тэгэхээр би ямар нэгэн зөрчил гаргаагүй гэж ярьдаг.  Гэвч эцэг эх та гэртээ согтуурсан байдалтай орох, эсвэл гэртээ хүүхдийн дэргэд согтууруулах ундаа хэрэглэсэн тохиолдолд 2024.01.17-ны өдөр батлагдсан Хүүхэд хамгааллын тухай хуулийн 22-р зүйлд зааснаар “хүүхдийг эрсдэлтэй нөхцөлд оруулсан” гэж хүнийг Зөрчлийн тухай хуулийн 6.20-р зүйлийн 7 дахь хэсэгт зааснаар эрүүгийн хариуцлага хүлээлгэхээргүй бол 300,000 төгрөгөөр торгоно гэж заасан байдаг.

 ШЕЗ-с ирүүлсэн зөрчлийн хэргийн тоон статистик мэдээнээс харахад, тухайн зөрчил дээр 2021-2023 оны байдлаар нийт 118 хэрэг хянан шийдвэрлэгдсэнээс торгуулсан хүний тоо 55, баривчлагдсан хүний тоо 12 байна гэсэн тоон статистик мэдээ гарчээ. 

Хүүхдийн эрх, хууль ёсны ашиг сонирхлыг нэн тэргүүнд хамгаалах үүрэг хүлээсэн эцэг эх та хүүхдээ эрсдэлт нөхцөлд оруулахгүй байхыг зөвлөж байна.