Д.Цогтбаатар: Хаврын морин уралдааныг орон нутгийн удирдлагуудад хариуцуулах нь буруу

Хаврын морин уралдаан зохион байгуулах шийдвэрийг тухайн аймаг орон нутгийн удирдлагууд шийддэг байх шийдвэрийг Шадар сайд С.Амарсайхан танилцуулсан. Тэгвэл энэ асуудалд УИХ-ын гишүүн Д.Цогтбаатар байр сууриа илэрхийллээ. Тэрбээр, "Зун наадмаар морь уралдаж байна шүү дээ. Гэтэл өвлийн улиралд заавал хүүхдийг эрсдэлд оруулан байж уралдуулах шаардлага байна уу. Зохих өөрчлөлтийг хийгээгүй цагт энэ уралдааныг хийх хэрэг байна уу гэж харж байгаа юм.  Жишээлбэл Арабын тэмээн уралдаанд Пакистанаас хүүхэд авч ирж уралдаанд оролцуулаад, хүүхэд гэмтэж бэртэх тохиолдол их гардаг байсан. Иргэдийнхээ шүүмжлэлээс болгоомжлоод өөр улс орноос хүүхэд авч ирж уралдуулдаг байсан. Манайд бол асрамжийн газраас хүүхэд авч уралдуулаад байна гэж байгаа. Энэ чинь бодит байдал" гэв.