УИХ-ын гишүүн Ц.Идэрбат: Цагаан сараар олон хоног амраахыг дэмжиж байгаа

"Цагаан сарын амралтыг 10 хоног болгох тухай" иргэдийн санал гарч буй. Энэ асуудлаар гишүүдийн байр суурийг хүргэж байна. 

Цагаан сар, үндэсний их баяр наадмаар Монголчууд ахиу амардаг байгаасай гэж үзэж байна. Зарим 1 өдрөөр амадаг баяруудыг тэмдэглэлт өдөр болгох байдлаар шийдээсэй гэж боддог. Учир нь үндэсний их баяр наадам бол зүгээр нэг амрах гэхээс илүү Монгол түмний бахархалт түүх, уламжлалт баяр наадам. Наадмын хувьд зохицуулалтууд хийж байгаа. 

Цагаан сард Монгол түмэн сарын өмнөөс бэлдэж эхэлдэг. Битүүний өмнөх өдөр тоос гөвдөг өдөр гээд заншил болчихсон. Тэгвэл тэр өдөр төрийн албан хаагч эмэгтэй ажлаа хийж байна уу сэтгэл санаа нь хаана явна гэх мэтчлэн бодит байдал дээр хэцүү. Хувийн хэвшлийнхний хувьд төрийн албан дээр ажил бүтээх гээд яваад очдог нөгөө хүн нь байдаггүй гэх мэт асуудлууд байдаг.