“Монгол Хьюндай” эмнэлэг "Багануур” дүүргийн иргэдэд үнэгүй үзлэг оношлогоо хийлээ

БНСУ-ын чанартай эмчилгээ үйлчилгээг Монгол Улсдаа нэвтрүүлээд байгаа “Монгол Хьюндай” эмнэлгийн хамт олон эрүүл мэндийн тусламж, үйлчилгээнийхээ хүртээмжийг нэмэгдүүлэх хүрээнд сар бүр алслагдсан дүүрэг буюу хөдөө олон нутагт очиж үнэ төлбөргүй үзлэг оношилгоо хийдэг. Өнгөрсөн оны 12 дугаар сард нийслэлийн Налайх дүүрэгт хийсэн бол энэ удаад нийслэлийн Багануур дүүргийн Эрүүл мэндийн төвтэй хамтран тус дүүргийн иргэдэд үзлэг оношилгоо хийх арга хэмжээг зохион байгуулж байна.

“Монгол Хьюндай” эмнэлгийн тухайд Солонгос улсдаа олон жил ажилласан чадварлаг мэргэшсэн доктор, профессорууд ирж, тогтмол үзлэг, оношилгоо, мэс засал хийж байна.  Түүнчлэн үйлчлүүлэгчдэдээ Америк тоног төхөөрөмжөөр БНСУ-ын эрүүл мэндийн салбарын жишигт нийцсэн чанартай эмчилгээ, үйлчилгээг Монгол Улсдаа үзүүлж чадаж байгаагаараа давуу талтай. Үйл ажиллагааны тухайд гэмтэл согогийн үзлэг, ерөнхий мэс засал, дотор, чих хамар хоолой, нүд, мэдрэл, гоо сайхны мэс заслын эмчийн үзлэг оношилгоо, эмчилгээ үйлчилгээг тогтмол үзүүлж байгаа.  Тиймээс өндөр өртгөөр Солонгос улсыг зорих шаардлагагүй Монголд Улсдаа Солонгос Улсын эмчилгээ, үйлчилгээг авах бүрэн боломжтой болсонд иргэд баяртай байна.