НЭМҮТ-өөс ногоон ногоо хэрэглэхийг зөвлөв

Брокколи, буржгар байцаа, бууцай, юуцай, бөөрөнхий байцаа зэрэг ногоон өнгийн ногоонууд нь А, С, К, В-ийн төрлийн аминдэм, кальци, магни, төмөр зэрэг эрдэс бодисуудаар баялаг байдаг байна. 

Түүнчлэн ногоон өнгийн ногоонууд нь хорт хавдрын эсрэг үйлчилгээтэй хлорофилл, глюкозинолат, флавоноид, каротиноид зэрэг бодисуудаар баялаг.

Эдгээр бодисууд нь давсаг, хөх, бүдүүн гэдэс, ходоод, уушиг, өндгөвч, нойр булчирхай, түрүү булчирхай, бөөр зэрэг олон төрлийн хорт хавдраар өвчлөх эрсдэлийг бууруулдаг хэмээн Нийгмийн эрүүл мэндийн үндэсний төвөөс мэдээллээ.