Х.Нямбаатар: Утаагүй, түгжрэлгүй болъё гэвэл уул уурхайн том төслүүдээ хөдөлгөх ёстой

       Монгол Улсын Засгийн газар, Франц улсын “Орано Майнинг С.А.С” компанитай  байгуулсан уран олборлох хөрөнгө оруулалтын гэрээний талаар Хотын дарга Х.Нямбаатар мэдээлэл өглөө.  Тэрбээр "Анх 1997 онд уг төсөл эхэлсэн. 28 жилийн дараа Монгол Улс уран олборлогч улсын жагсаалтад орж байна. Өмнө нь Дорнод аймгийн Мардай орд дээр олборлолт хийж байсан түүхтэй. Миний бие ажлын хэсгийг ахалж ажиллахдаа нэг зарчмыг барьж байсан. Бид нар өмнө нь Оюутолгой "Рио Тинто"-той байгуулсан гэрээний санхүүгийн загвараас арай өөр загвараар явъя. Өөрөөр хэлбэл бид нар хөрөнгө оруулалтын үүрэг хүлээхгүй, зөвхөн бүтээгдэхүүнээрээ өсөн нэмэгдэх загвар руу шилжих байдлаар таван үндсэн гол нөхцөлүүдийг тохирч тухайн үеийн Ерөнхийлөгчийн Франц улс дах айлчлалын үеэр батлагдсан байдаг.

Энэ гэрээ бол Монгол Улс гурав дахь хөршийн хөрөнгө оруулалт авч байгаа хоёр дахь тохиолдол. Хоёрдугаарт энэ салбарын хайгуулын болон ашиглалтын лиценз авсан бусад уул уурхайн төслүүд урагшлах эхний зам мөрийг гаргаж байгаа ач холбогдолтой.