Санхүүгийн зохицуулах хорооны даргаар Т.Жамбаажамцыг томилов

Санхүүгийн зохицуулах  хорооны даргад УИХ-ын дарга нэр дэвшүүлэн парламентаар хэлэлцүүлэн томилдог хуультай. Энэхүү хуулийн дагуу УИХ-ын дарга Д.Амарбаясгалан Санхүүгийн зохицуулах хорооны даргад Т.Жамбаажамцыг нэр дэвшүүлсэн юм. УИХ-ын чуулганы хуралдаанд оролцсон гишүүдийн 90 хувь нь Т.Жамбаажамцыг Санхүүгийн зохицуулах хорооны даргаар томилохыг дэмжив. СЗХ-ны шинэ даргын намтарыг хүргэе. 

-1982 онд Баянхонгор аймагт төрсөн, 43 настай.
-МУИС-ийн Хууль зүйн сургуулийг олон улсын эрх зүйч мэргэжлээр төгсөж, Санхүү эдийн засгийн их сургуульд бизнесийн удирдлагын магистрын зэрэг хамгаалсан.
Ажилласан байдал:
-2006-2007 онд Санхүүгийн зохицуулах хорооны Хяналт шалгалтын газрын мэргэжилтэн;
-2009-2011 онд Санхүүгийн зохицуулах хорооны Үнэт цаасны газрын хянан шалгагч;
-2011-2013 онд тус Хорооны Үнэт цаасны газрын ахлах хянан шалгагч;
-2013-2014 онд тус Хорооны Хөрөнгийн зах зээлийн бодлого, төлөвлөлтийн хэлтсийн дарга;
-2014-2015 онд тус Хорооны Үнэт цаасны газрын дарга;
-2015-2016 онд тус Хорооны Хяналт шалгалтын газрын орлогч дарга;
-2016 оны 8 дугаар сараас одоог хүртэл Хорооны Ажлын албаны даргаар ажиллаж байгаа, улсад 19 жил ажилласан байна.