Явган зам халтиргаатай байвал 11-310005 утсаар мэдээлэл өгнө үү

Нийслэлд 2025 оны 01 дүгээр сарын 12-13-нд шилжих шөнө орсон бага зэргийн цасыг цэвэрлэх ажилд “Хот тохижилтын газар” ОНӨААТҮГ болон дүүргүүдийн Тохижилт үйлчилгээний 35 байгууллагын 1200 гаруй хүн, 120 гаруй тусгай зориулалтын техник хэрэгслээр хотын гол болон туслах зам, хотоос алслагдсан замуудад халтиргаа гулгаа үүсэхээс сэргийлэн ажиллаж байна. Тусгай зориулалтын 37 тн бодис, 48 тн давс тус тус зарцуулаад байна.

Цэвэрлэгээний ажил хуваарийн дагуу үргэлжлэн хийгдэнэ.Нийслэлд 01 сарын 13-ны өдрийн үдээс хойш цас орох тул халтиргаа гулгаанаас сэргийлж орчны 50 метр хүртэлх зам талбайгаа цэвэрлэж явган зорчиж буй иргэдийг аюулгүй байдлыг хангаж ажиллахыг аж ахуйн нэгж байгууллагууддаа уриалж байна. Мөн та бүхэн өөрсдийн зорчдог явган зам халтиргаатай байвал 11-310005 утсаар мэдээлэл өгч хамтарч ажиллана уу.

Эх сурвалж: Улаанбаатар хотын захирагчийн ажлын алба