ХӨСҮТ: Өрхийн эмнэлгүүд өнөөдрөөс уртасгасан цагаар ажиллахгүй

Томуу, томуу төст өвчний нөхцөл байдлын талаар ХӨСҮТ-өөс мэдээлэл хийлээ.

Нийслэлийн хэмжээнд хүүхдийн  томуу, томуу төст өвчний хэвтэн эмчлүүлэх, тусламж үзүүлж байгаа 21 эрүүл мэндийн байгууллагад 1517 хүүхэд хэвтэн эмчлүүлж байна, орны ачаалал 55 хувьтай. Өнгөрсөн 7 хоногтой харьцуулахад хэвтэн эмчлүүлэх байдал 14 хувиар буурчээ. Хүлээн авах яаралтай тусламжийн тасгаар 1815 хүүхэд тусламж, үйлчилгээ авсан. Үүнийг өнгөрсөн 7 хоногтой харьцуулахад 18 хувиар буурсан байна.

Өрхийн эрүүл мэндийн төвийг өнгөрсөн оны 12 дугаар сарын 17-ны өдрөөс уртасгасан цагаар ажиллуулж эхэлсэн. Энэ хугацаанд 5700 хүн үзүүлж байсан бол өнөөдрийн байдлаар 2273 хувь болж хоёр дахин буурсан. Иймд Нийслэлийн эрүүл мэндийн газраас бүх өрхийн эрүүл мэндийн төвийг уртасгасан цагаар ажиллуулж байсан шийдвэрийг дуусгавар болгож байна.

Маргаашаас бүсчилсэн хэлбэрээр зарим өрхийн эмнэлгүүд ажлын өдрүүдэд 20:00 цаг хүртэл, амралтын өдөр 11:00-18:00 цагийн хооронд ажиллах юм байна.