БЕГ-аас сурагчдын амралтыг тохиолдуулан зөвлөмж гаргалаа

2024 оны эхний хагас жилд нийт осол гэмтлийн 3.3 хувь буюу 3.592 нь түлэгдэлтийн улмаас бүртгэгджээ. Нийт тохиолдлын 11 хувь буюу 12.126 нь 0-4 насны хүүхдийн осол гэмтэл эзэлж байна. ГССҮТ-д сүүлийн гурван жилийн хугацаанд 157.000 хүүхэд осол гэмтэлд өртсөний 53 хувь буюу 83.000 нь гэртээ байхдаа осолд өртсөн байна. 

Иймд Боловсролын ерөнхий газраас дараах зөвлөмжийг хүргэж байна

• Хүүхэд ээ авч байхдаа халуун хоол болон уух зүйлс хэрэглэхгүй байх
• Халуун хоол болон цайг хүүхэд хүрэхээргүй газар болон ширээний ирмэгээс хол зайд тавих
• Зуухны тагийг заавал түгжиж байх
• Хутга, хайч зэрэг хурц иртэй багаж, гэмтсэн цахилгааны утас, хүнд сав суулга болон бусад хүүхдэд гэмтэл учруулж болохуйц зүйлсийг хүүхэд хүрч, авч чадахааргүй газар хадгалах
• Халуун зуух болон индүүнээс хүүхдийг хол байлгах, очиж хүрэхээс сэргийлээрэй
• Ширээний бүтээлгийг аль болох хэрэглэхгүй байх нь зүйтэй. Учир нь хүүхэд түүнээс татахад дээр байгаа зүйлс хүүхдийн дээрээс унаж болзошгүй. Эцэг эх, асран хамгаалагч, харгалзан дэмжигч та хүүхдэдээ тавих анхаарал, халамж, хараа хяналтаа нэмэгдүүлж, хариуцлагатай байж, болзошгүй эрсдэлээс урьдчилан сэргийлэх арга хэмжээг авах нь хамгаас чухал юм.

“ТАНЫ ХҮҮХДИЙН АЮУЛГҮЙ БАЙДАЛ ТА БИДНЭЭС ХАМААРНА”