Хэвтэн эмчлүүлж байгаа хүүхдүүдийн 87.8 хувь нь амьсгалын замын шалтгаантай байна

Халдварт өвчин судлалын үндэсний төвөөс томуу, томуу төст өвчний нөхцөл байдлын талаар ээлжит мэдээллээ хийлээ. Нийслэлийн хэмжээнд томуу, томуу төст өвчний тархалт сүүлийн долоо хоногийн мэдээгээр дэгдэлтийн түвшинд байгаа талаар хэлж байна. Өнөөдрийн байдлаар нийслэлийн хэмжээнд 20 эмнэлэгт 1,541 хүүхэд хэвтэн эмчлүүлж байгаагаас 87.8 хувь нь амьсгалын замын халдварын шалтгаантай байгаа гэлээ.

Сүүлийн долоо хоногт Булган, Өвөрхангай, Сүхбаатар, Увс аймаг болон Улаанбаатар хотын тандалтын эмнэлгүүдэд томуугийн шалтгаанаар хандсан хүмүүсийн сорьцод 62.2 хувьд нь томуу, томуу төст өвчин үүсгэгч дараах таван төрлийн вирусүүд илэрчээ.

• Амьсгалын замын синцитиал вирус - 30 хувь
• Томуугийн H1N1 хэв шинжийн вирус- 26.3 хувь
• H томуугийн вирус- 2 хувь SARS-CoV вирус - 1 хувь

Нийт өвчлөгсдийн 19.1 хувийг 0-1 нас, 20.2 хувийг 2-4 нас, 20.6 хувийг 5-9 нас, 22.9 хувийг 10-15 насны хүүхдүүд эзэлж байна.