Цэргийн шинэчилсэн бүртгэл өнөөдрөөс эхэллээ

Цэргийн шинэчилсэн бүртгэл 2025 оны нэгдүгээр сарын 6-наас хоёрдугаар сарын 10-ны хооронд явагдана. Бүртгэлд 18-50 насны цэргийн бэлтгэл үүрэгтэн эрэгтэйчүүд хамрагдана. Мөн 55 хүртэл насны бэлтгэл офицер, ахлагч, 60 хүртэл насны бэлтгэл ахлах офицер, 65 хүртэл насны бэлтгэл дээд офицерууд хамрагдах юм. Цахим үйлчилгээний “E-Mongolia” системээр хүсэлтээ илгээх боломжтой. Өөрийн биеэр бүртгүүлэхдээ дараах бичиг баримтыг бүрдүүлнэ. Үүнд, иргэний үнэмлэх, цэргийн үүрэгтний үнэмлэхтэй ирж тэмдэглэл хийлгэх юм.

Цэргийн үүрэгтний үнэмлэхээ хаяж гээгдүүлсэн болон шинээр 18 нас хүрсэн иргэд:

• 3х4 хэмжээтэй цээж зураг 2 хувь,
• Иргэний цахим үнэмлэх
• Ажлын газрын болон оюутны үнэмлэхтэй ирнэ.

Тогтоосон хугацаанд цэргийн бүртгэлд хамрагдаагүй, зайлсхийсэн иргэдэд зөрчлийн тухай хууль, тогтоомжид заасны дагуу хариуцлага хүлээлгэх юм байна.