Шатар сонирхогчдын аварга шалгаруулах тэмцээн боллоо

Монгол Улсад шинэ Үндсэн хууль батлагдсан өдрийг тэмдэглэн өнгөрүүлэх ажлын хүрээнд шатрын спортыг түгээн дэлгэрүүлэх, иргэдийн идэвх санаачлагыг өрнүүлэх зорилгоор шатар сонирхогчдын дүүргийн аварга шалгаруулах тэмцээн 2024 оны 11 дүгээр сарын 23, 24-ний өдрүүдэд дүүргийн иргэний танхимд амжилттай зохион байгуулагдлаа.

Тус тэмцээнд Монголын шатрын холбооны рейтингийн жагсаалтаар сүүлийн хоёр жилийн хугацаанд рейтинг нь эрэгтэй 2000, эмэгтэй 1800-аас дээш гараагүй, шатрын спортын цолгүй, эрэгтэй 27, эмэгтэй 10 нийт 37 шатар сонирхогч оролцлоо.

Тэмцээнийг иргэдийн Төлөөлөгчдийн Хурлын ажлын алба, Монголын шатрын холбоотой хамтран зохион байгуулсан бөгөөд шагналыг дүүргийн ИТХ-ын дарга Х.Нямдагва, ИТХ-ын ажлын албаны Зохион байгуулалтын хэлтсийн дарга Э.Түвшинзаяа болон шатрын спортын улсын шүүгч н.Төвсанаа нар гардуулав.

Тэмцээнд байр эзэлсэн оролцогчдыг танилцуулбал:

Эрэгтэй

1-р байр: Б.Дарамбазар /5-р хороо/

2-р байр: Б.Бат-Эрдэнэ /11-р хороо/

3-р байр: Rob Antonius Hendricus /1-р хороо/

4-р байр: А.Азжаргал /6-р хороо/

5-р байр: Б.Батбаяр /5-р хороо/

6-р байр: Д.Бат-Эрдэнэ /1-р хороо/

Эмэгтэй

1-р байр: Б.Батцэнд /6-р хороо/

2-р байр: Б.Татьяна /2-р хороо/

3-р байр: Ц.Бямбаа /6-р хороо/

Тэмцээнээс шалгарсан эрэгтэй 6, эмэгтэй эхний 3 шатарчин нийслэлийн шатар сонирогчдын аварга шалгаруулах тэмцээнд Сүхбаатар дүүргээ төлөөлөн оролцох юм.

Энэхүү тэмцээн нь 10 дахь жилдээ уламжлал болгон зохион байгуулагдаж байгаа бөгөөд Сүхбаатар дүүргээсээ шалгарсан эрэгтэй, эмэгтэй тамирчид 2014, 2015, 2016, 2017, 2019, 2021, 2022, 2023 онуудад нийслэлийн аварга шалгаруулах тэмцээний 1, 2, 3 дугаар байранд шалгарч УИХ-ын даргын нэрэмжит Улсын аварга шалгаруулах тэмцээнд амжилттай оролцож байсан юм.

Нийслэлийн аварга шалгаруулах шатар сонирхогчдын тэмцээнд Сүхбаатар дүүргээ төлөөлөн оролцох эрхээ авсан нийт шатарчдадаа амжилт хүсье.