100 жилийн ойд зориулсан эрдэм шинжилгээний хурал, хэлэлцүүлэг зохион байгууллаа

Сүхбаатар дүүргийн иргэдийн Төлөөлөгчдийн Хурлаас Бүгд Найрамдах Улсыг тунхаглаж, Анхдугаар Үндсэн хууль баталсны 100 жилийн ойг тохиолдуулан Анхдугаар Үндсэн хуулийн түүхэн ач холбогдол, Үндсэн хуульт ёсны ойлголтыг иргэдэд ойлгуулан таниулах, түгээн дэлгэрүүлэх зорилгоор дүүргийн 1-20 дугаар хорооны иргэдэд эрдэм шинжилгээний хурлыг зохион байгуулж хэлэлцүүлэг өрнүүллээ.

Хурлыг нээж дүүргийн ИТХ-ын дарга Х.Нямдагва үг хэллээ.

Тус хуралд “Анхдаар үндсэн хууль ба Монголчууд” сэдвээр ШУТИС-ийн багш Түүхийн ухааны доктор Мөнхбаяр

"Үндсэн хуульт ёс" сэдвээр Глоб Интернэшнл төвийн судлаач, Монголын Хуульчдын холбооны хуульч, өмгөөлөгч, хүний эрх, үндсэн хуулийн судлаач /LL.M/ Б.Пүрэвсүрэн

"Анхдугаар Үндсэн хуулийн ач холбогдлын тухайд" сэдвээр Монголын криминалогчийн холбооны гишүүн, Үндсэн хуулийн судлаач /LL.M/ С.Номынбаясгалан нар илтгэл танилцуулж иргэдийн сонирхсон асуултад хариулт өгч санал солилцлоо.