Ө.Золбаяр: Ерөнхийлөгч утааг бууруулах ганц байгууллагын ажил биш гэдгийг сануулсан

Ерөнхийлөгч У.Хүрэлсүх нийслэлийн агаарын бохирдлын асуудлаар Засгийн газрын сайд нар, хотын удирдлагуудыг дуудан, уулзаж хугацаатай үүрэг даалгавар өгсөн талаар ЕТГ-ын хэвлэл мэдээлэл олон нийттэй харилцах газрын дарга Ө.Золбаяр мэдээлэл хийлээ.

2019 онд утааны түвшин 40-50 хувь буурч байсан. Одоо яагаад тэр байдлаасаа ухрав. Шахмал түлш улам сайжраад явах ёстой байтал яагаад чанар нь муудсан талаар холбогдох албаныханд асуулт тавьсан.

Мөн хяналт шалгалт суларсан асуудалд ерөнхийлөгч өөрийн байр сууриа илэрхийлж хяналт шалгалт, түлшний хатаалт, барьцалдуулагчийн орц найрлага зэрэг асуудалд анхаарлаа хандуул.

Утааг бууруулах бол ганц байгууллагын ажил биш. Төр засаг бүх түвшинд анхаарлаа хандуулах ёстойг сануулсан. Цаашид хоорондын уялдаа холбоогоо сайжруулж ажиллах ёстойг анхааруулсан талаар мэдээлэв.