Д.Энхтуяа: Өнөөдөр утааны эсрэг салхи л ажиллаж байна

Аж үйлдвэржилтийн байнгын хорооны хурал дээр “Тавантолгой түлш” компанийн шахмал түлшний асуудлаар хянаж шалгах судлах ажлын хэсэг гарсан. Тус ажлын хэсгийн ахлагч УИХ-ын гишүүн Д.Энхтуяагаас тодруулга мэдээлэл хүргэж байна.

Утааны улирал эхэлсэн тул бид нэг өдөр, нэг цаг хойш суух цаг алга байна. Утааны эсрэг өнөөдөр салхи л ажиллаж байна. Сайжруулсан биш муужруулсан түлш хэрэглэж байгаа нь ойлгомжтой байна. УИХ дахь АН-ын бүлэг дээр “Тавантолгой түлш” компанийн удирдлагуудыг авч ирж сонсгол хийсэн. Сонсголын үр дүнд муужруулсан түлш байна гэдэг дээр санал нэгдсэн. Ажлын хэсэг дээр УИХ-ын ажлын хэсгээс гадна, хараат бус дэмжих баг ажиллаж байна.