Импортын бараа хямд үед дотоодын ААН-үүдийн үйл ажиллагаа доголдолж, хаалгаа барихад хүрнэ

Монгол улс Евразийн эдийн засгийн холбоотой гэрээ байгуулах гэж байгаа талаар төсвийн асуудал хэлэлцсэн өчигдрийн чуулган дээр халуухан хэлэлцүүлэг өрнөсөн. Уг худалдааны гэрээний хүрээнд Монголоос ОХУ-руу мах, арьс шир, ноос, ноолуур, хушны самар гэсэн 5н нэр төрлийн бүтээгдэхүүн нийлүүлэхээр. Харин ОХУ-Монгол руу Нефтийн бүтээгдэхүүн, хүнсний бүтээгдэхүүн г.м 370 гаруй бит код бүхий 2,000 гаруй нэр төрлийн бараа нийлүүлэхээр лист гаргасан байна. Энэ Хэлэлцээр "Хүнсний хувьсгал"-ын зорилготой зөрчилдөж байгаад дотоодын үйлдвэрлэгчид эсэргүүцэж эхэллээ.

Импортын бараа хямд үед дотоодын аж ахуйн нэгжүүдийн үйл ажиллагаа доголдолж, хаалгаа барихад хүрнэ. Түүний дараа импортын бараа үнэ өсгөх хандлага байдаг.

Эдийн засгийн хөгжлийн яам ОХУ-ын холбогдох талтай ирэх арванхоёрдугаар сард гэрээг баталж, 2025.01.01-нээс хэрэгжүүлэхээр төлөвлөжээ. Энэ гэрээнд зааснаар нийт 370 гаруй төрлийн бит кодтой 2000 гаруй нэр төрлийн импортын татваргүй нэвтрүүлнэ. Монгол улс Хушны самар, ноос ноолууран хувцасны үйлдвэрлэл хөгжинө, экспортлох боломж гарна гэж ЗГ-ын гишүүд үзээд байна. 

“Өндөг, хуурай сүү, улаанбуудайн үр, малын тэжээл”-ийг Еврази талаас чөлөөлөх барааны ангилалд оруулах санал гаргасан. Энэ нь Хүнсний хувьсгалын үзэл баримтлалд нийцэхгүй байгаа тул түр хэлэлцээрийг хойшлуулах шаардлагатай юм.

Дотоодын хэрэгцээгээ зах зээлийн үнээр бүрэн хангаж чадахуйц хүчин чадалтай үйлдвэрлэл болон импортоор орлох бүтээгдэхүүний зах зээлийн ялгааг нарийн судалж, бэлтгэх, оролцогчдыг урьдчилан мэдээллээр хангах, тэдний саналыг авах нь цаашид хэлэлцээрийн үр дүнтэй хэрэгжилтэд чухал нөлөөтэй гэж үзэж байна. Стратегийн хүнс /сүү, ундны ус гм/, ялангуяа дотоодын үйлдвэрлэлээр эрэлтээ бүрэн хангадаг бүтээгдэхүүнүүдийн хувьд тухайлан авч үзэх шаардлагатай юм.