НИТХ: Авто машин, авто замын татварыг 3-5 дахин нэмэгдүүлэх төсвийг хэвээр нь баталлаа

НИТХ өнөөдөр хаалттай хуралдаж, нийслэлийн 2025 оны төсвийн төслийг батлалаа. Ингэхдээ автомашин болон авто замын татварыг 3-5 дахин нэмэгдүүлэх асуудлыг хэвээр баталжээ. Энэ асуудалд иргэд олон нийтийн зүгээс шүүмжлэлтэй хандаж буйгаа илэрхийлж байсан тул НИТХ хаалттай хуралдаж, төсвөө чимээгүйхэн баталлаа гэж харахаар байна.  

Эргэн сануулахад,   НИТХ-аас автомашинд ногдуулах албан татварыг гурав дахин, Зам ашигласны төлбөрийг тав дахин нэмэгдүүлэх төсөл боловсруулаад байгаа юм. 

Албан татвар:

• “Приус” 36000-аас 108,000₮,
• “Лексус 570” 188100-аас 564,300₮,
• “Портер” 30000-аас 75,000₮,
• “Ланд Круйзер 200” 151,800-аас 455,400₮.

Зам ашигласны төлбөр:

• 2000 хүртэлх моторын багтаамжтай машин 20000-аас 100,000₮,
• 2001-3000 хүртэлх моторын багтаамжтай машин 30000-аас150,000₮,
• 4001 дээш моторын багтаамжтай машин 50,000-аас 250,000₮ болгон нэмэгдүүлнэ гэсэн байдаг.