Таалийгаач хүүгийн ээж: Миний хүүг зүрх нь хаагдаж өөд болсон гэсэн шүүхийн дүгнэлтэд санал нийлэхгүй байна

Энэ сарын 28-ны өдөр  “Сонгинохайрхан дүүргийн 34 дүгээр хорооны нутаг дэвсгэрт байрлах цэцэрлэгт нэг нас 2 сартай эрэгтэй хүүхэд нас барсан” гэх дуудлага, мэдээлэл ирсэн. Тэгвэл уг асуудлаар  талийгаач хүүгийн ар гэрээс хэвлэлийнхэнд хандаж мэдээлэл хийлээ. Тэрбээр 

 "Миний хүү тухайн өдөр 15-16 цагийн орчимд эндсэн. СХД-ийн нэгдсэн эмнэлэг дээр түргэний машинаар хүргэгдэж очихдоо л амьсгал хураасан очсон. Багш нь анх "Ээж нь мөн үү. Хүү чинь унтаж сэрээд царай нь сонин болоод байна. Бид аваад эмнэлэг рүү явж байна гэсэн. Яасан юм бэ гэхэд мэдэхгүй ээ эгч ээ. Хоолоо идэж байгаад унаад, унтсан байсан. Би өлгийдөж аваачаад орон дээр нь тавьсан" гэсэн. Би хүүгээ хордлогод орчихож л гэж бодож очсон.  Өнөөдөр шүүх шинжилгээний хариуг танилцууллаа. Миний хүүг элэг бөөрний үрэвсэлтэй, зүрх судасны асуудалтай байсан. Хатгаатай байсан учраас тэр нь хүндрээд зүрх судас руу нь ороод зүрхийг нь хаагдуулсан байна гэсэн дүгнэлт гарлаа. Энэ бол ямар ч боломжгүй. Миний хүү ханиадтай байсан. Эдгээгээд цэцэрлэгт нь өгсөн. Хүү маань эв эрүүл, сав саруул хүүхэд байсан" гэлээ.