Ч.Лодойсамбуу: УИХ-аас Нийслэлийн Засаг даргад асуудал хэлээд арга хэмжээ авч чадахаа байсан

УИХ дахь Ардчилсан намын бүлэг өнөөдөр /2021-11-18/ ээлжит хуралдаанаараа хэлэлцсэн асуудлын талаар мэдээлэл хийлээ.  Эхний асуудал нь Гашуун сухайт- Ганц мод боомтын төмөр замтай холбоотой асуудлаар БНХАУ -ын талаас манайд санал ирсэн. Ерөнхий сайд Л.Оюун-Эрдэнэ,  Аж үйлдвэр, эрдэс баялгийн сайд Ц.Туваан нар мэдээлэл өглөө гэсэн юм. Дараагийн нэг асуудал нь  Улаанбаатар хотын агаарын бохирдол болоод цаашид хэрэгжүүлэх арга хэмжээний талаар мэдээлэл сонссон гэв. 

УИХ дахь Ардчилсан намын бүлгийн дэд дарга Ч.Лодойсамбуу:

-Нийслэлээс агаар орчны бохирдлыг бууруулах чиглэлээр танилцуулга хийхээр орлогч дарга нь болоод бусад албаны хүмүүс нь ирсэн. Мэдээллийг хангалттай өгөөгүй. Х.Нямбаатар дарга томилолттой гэх шалтгаанаар ирээгүй.  Тиймээс Х.Нямбаатар даргыг өөрөө биеэрээ байлцаж мэдээлэл өгөх ёстой гэж бүлэг үзсэн.  Ер нь УИХ-аас Нийслэлийн Засаг даргад асуудал хэлээд арга хэмжээ авч чадахаа байсан.